Туркманистон президенти Гурбангули Бердимуҳамедов 15 ноябрда ўтказилган Вазирлар маҳкамаси йиғилишида меҳнат ва аҳолини ижтимоий ҳимоя қилиш вазири ҳамда Пенсия фонди бошқаруви раиси Муҳаммадсайид Силаповга лавозим мажбуриятларини етарли даражада бажармагани ва ишда қайд этилган камчиликлар сабаб ҳайфсан берди. Бу ҳақда «Хроника Туркменистана» хабар қилган.
2018 йилда лавозимга тайинланга вазирнинг айнан қайси камчиликлар учун огоҳлантирилгани очиқланмаган. Тахминларга кўра, ишда қайд этилган камчиликлар, Олий назорат палатаси томонидан ўтказилган 2015—2020 йилларда аҳолининг бандлигини таъминлаш дастури ижроси бўйича текширув хулосалари билан боғлиқ.
Мавзуга доир:
Туркманистон давлат раҳбари, хусусан, «Туркманкимё» («Türkmenhimiýa») ва «Туркмансаноат» («Türkmensenagat») концернлари фаолиятидан қониқмаган.
Гурбангули Бердимуҳамедов «Туркмансаноат» фаолияти ҳақида гапирар экан, қурилиш объектларига керакли материаллар, жумладан цемент ҳамда арматурани ўз вақтида етказиб бериш зарурлигини қайд этди.
«Ушбу соҳалар самарали ишлаш ва давлатга даромад келтириши керак, саноатни тадбиркорларни соҳага жалб этиш орқали ривожлантириш лозим», — дея таъкидлаган Бердимуҳамедов. Президент ушбу сўзларидан кейин 2019 йил январь ойида «Туркмансаноат» раҳбари лавозимига тайинланга Ровшен Овезовга лавозим мажбуриятларини пухта бажармагани, Топшириқлар агентлиги томонидан белгиланган вазифалар ижросини таъминламагани учун ҳайфсан берган.
Мавзуга доир:
Шунингдек, Туркманистонга Ўзбекистондан ноқонуний йўл билан цемент ва бошқа қурилиш маҳсулотларининг олиб кирилаётгани ҳақида ёзган.
Изоҳ (0)