Turkmaniston prezidenti Gurbanguli Berdimuhamedov 15-noyabrda o‘tkazilgan Vazirlar mahkamasi yig‘ilishida mehnat va aholini ijtimoiy himoya qilish vaziri hamda Pensiya fondi boshqaruvi raisi Muhammadsayid Silapovga lavozim majburiyatlarini yetarli darajada bajarmagani va ishda qayd etilgan kamchiliklar sabab hayfsan berdi. Bu haqda “Xronika Turkmenistana” xabar qilgan.
2018-yilda lavozimga tayinlanga vazirning aynan qaysi kamchiliklar uchun ogohlantirilgani ochiqlanmagan. Taxminlarga ko‘ra, ishda qayd etilgan kamchiliklar, Oliy nazorat palatasi tomonidan o‘tkazilgan 2015—2020-yillarda aholining bandligini ta’minlash dasturi ijrosi bo‘yicha tekshiruv xulosalari bilan bog‘liq.
Mavzuga doir:
Turkmaniston davlat rahbari, xususan, “Turkmankimyo” (“Türkmenhimiýa”) va “Turkmansanoat” (“Türkmensenagat”) konsernlari faoliyatidan qoniqmagan.
Gurbanguli Berdimuhamedov “Turkmansanoat” faoliyati haqida gapirar ekan, qurilish obyektlariga kerakli materiallar, jumladan sement hamda armaturani o‘z vaqtida yetkazib berish zarurligini qayd etdi.
“Ushbu sohalar samarali ishlash va davlatga daromad keltirishi kerak, sanoatni tadbirkorlarni sohaga jalb etish orqali rivojlantirish lozim”, — deya ta’kidlagan Berdimuhamedov. Prezident ushbu so‘zlaridan keyin 2019-yil yanvar oyida “Turkmansanoat” rahbari lavozimiga tayinlanga Rovshen Ovezovga lavozim majburiyatlarini puxta bajarmagani, Topshiriqlar agentligi tomonidan belgilangan vazifalar ijrosini ta’minlamagani uchun hayfsan bergan.
Mavzuga doir:
Shuningdek, Turkmanistonga O‘zbekistondan noqonuniy yo‘l bilan sement va boshqa qurilish mahsulotlarining olib kirilayotgani haqida yozgan.
Izoh (0)