Ростов вилояти ҳукумати «Ростов» футбол клубига 2019 йилда 380 миллион рубль пул маблағи ажратгани хабар қилинди.
2019 йили «Ростов» клубига вилоят ғазнасидан 380 миллион рубль миқдорида субсидия кўринишидаги гранд ажратилган, дея хабар қилмоқда «ТАСС».
Ростов вилояти баёнотида таъкидланишича, клубнинг қарзга ботишига вилоят губернатори ўринбосари Игор Гусковинг алоқаси йўқ.
Шунингдек, мутасаддилар 2019—2020 йилларда «Олимп-2» стадионини капитал таъмирдан чиқариш учун 250 миллион рубл ажратилишини таъкидлаган. Шунингдек, машғулотлар майдонини таъмирлашга 48 миллион рубль ажратилади. Клуб таъминоти ва болалар футболи учун 78,6 миллион рубль ажратилиши белгиланган.
Аввалроқ «Ростов» клуби бош мураббийи Валерий Карпин жамоа уч ойдан буён футболчилар маошини тўлашда қарздор эканини айтганди. Шунингдек, «Ростов» бу муаммони бартараф этиш мақсадида қишда бир нечта футболчисини сотиши мумкинлиги таъкидланган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)