2020 йилги Европа Чемпионати саралаш босқичининг 9-туридан ўрин олган баҳслар 14 ноябрь, пайшанба куни старт олди.
Гарет Саутгейт бошчилигидаги Англия терма жамоаси Лондонда Черногорияни қабул қилди. учрашувда Ҳарри Кейн ҳет-трикка эришди, Алекс Окслейд-Чемберлен, Маркус Рэшфорд ва Тэмми Абраҳам бир мартадан меҳмонлар дарвозасига йўл топди. Шунингдек, ушбу ўйинда Бен Чиллуэл уч марта самарали узатмани амалга оширди.
Ушбу ғалаба Англия терма жамоасига Евро—2020 йўлланмасини тақдим этди.
Португалия терма жамоаси эса Литва билан баҳс юритди. Учрашувда Криштиану Роналду ҳет-трик қайд этган бўлса, Пицци, Гонсалу Пасиенсия ва Бернарду Силва ҳам ўз ҳисобига гол ёздириб қўйди.
Франция терма жамоаси эса Молдовани қабул қилди. Дастлаб 9-дақиқада Вадим Раца францияликлар ҳимоясидаги хатодан фойдаланиб, меҳмонларни олдинга олиб чиқди. 35-дақиқада Рафаэл Варан ҳисобни тенглаштиришга муваффақ бўлди. Ўйин якунланиши арафасида Оливье Жиру пенальтини аниқ бажариб, Франция терма жамоасига ғалаба келтирди.
Бу ғалаба Францияни Евро—2020 финал босқичига олиб чиқди. Шунингдек, Туркия ва Чехия терма жамоалари ҳам мусобақага йўлланма олди.
Евро—2020 саралаши
9-тур баҳслари
14 ноябрь, пайшанба
Туркия — Исландия 0:0
Англия — Черногория 7:0
Голлар: 1:0 — 11 Окслейд-Чемберлен, 2:0 — 18 Кейн, 3:0 — 24 Кейн, 4:0 — 30 Рэшфорд, 5:0 — 37 Кейн, 6:0 — 66, автогол Шофранац, 7:0 — 84 Абраҳам.Португалия — Литва 6:0
Голлар: 1:0 — 7, пенальти Роналду, 2:0 — 22 Роналду, 3:0 — 52 Пицци, 4:0 — 56 Пасиенсия, 5:0 — 63 Бернарду Силва, 6:0 — 65 Роналду.Франция — Молдова 2:1
Голлар: 0:1 — 9 Раца, 1:1 — 35 Варан, 2:1 — 79, пенальти Жиру.Сербия — Люксембург 3:2
Голлар: 1:0 — 11 Митрович, 2:0 — 43 Митрович, 2:1 — 54 Родригеш, 3:1 — 70 Радонич, 3:2 — 75 Тюрпель.Чехия — Косово 2:1
Голлар: 0:1 — 50 Нухиу, 1:1 — 71 Крал, 2:1 — 79 Челюстка.Албания — Андорра 2:2
Голлар: 1:0 — 6 Балай, 1:1 — 18 Мартинес, 1:2 — 48 Мартинес, 2:2 — 55 Манай.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)