«Қамчиқ» довонининг «Водий—Тошкент» йўналишида ҳаракатланган юк машинаси 15 ноябрь куни А-373 «Тошкент—Ўш» автомобиль йўлининг 227 километрида бошқарувни йўқотиб, йўл четидаги ҳандаққа (кюветга) тушиб кетди.
ФВВ матбуот хизматининг хабар беришича, воқеа жойига зудлик билан «Бешқўл» навбатчилик қисми етиб борган.
Аниқланишича, Хоразм вилояти Урганч шаҳрида туғилган М.Н. бошқарувида бўлган Isuzu русумли юк машинаси бошқарувни йўқотиши оқибатида йўл четидаги ҳандаққа (кюветга) тушиб ағдарилиб кетган.
Биринчи навбатда қутқарувчилар томонидан ҳайдовчига психологик ёрдам кўрсатилган. Сўнг ағдарилган юк машинаси ҳандақдан чиқарилиб, эвакуатор ёрдамида белгиланган манзилга жўнатиб юборилган.
Содир бўлган йўл транспорт ҳодисаси оқибатида жабрланганлар аниқланмаган.
Изоҳ (0)