Таниқли француз актёри ва Ўзбекистоннинг Франциядаги туризм элчиси этиб тайинланган Жерар Депардье мамлакатга ижодий ташрифи давомида Бухоро вилоятига борди. Бу ҳақда Бухоро вилояти Туризмни ривожлантириш департаменти ахборот хизмати хабар берди.
Француз телеканалларида видеороликлар тайёрлаш орқали сайёҳлик потенциалини ошириш ва Ўзбекистоннинг ижобий имижини тарғиб қилишни мақсад қилган Туризмни ривожлантириш давлат қўмитаси B-Tween француз ишлаб чиқариш компанияси билан биргаликда Paris Premiere телеканали учун «Ипак йўли» ҳужжатли фильмини тайёрлаш режасини ишлаб чиққан эди. Мазкур фильмда француз актёри Жерар Депардье бош ролни ижро этиши кўзда тутилган бўлиб, Ўзбекистон ҳақидаги ҳужжатли фильм суратга олиш ишлари учун актёр Бухорога келди.
Машҳур актёр Бухоро шаҳар ҳокими Карим Камолов томонидан Когон темир йўл вокзалида карнай-сурнай садолари остида тантанали кутиб олинди.
Мавзуга доир: Жерар Депарде Ўзбекистонга келди. Ислом цивилизацияси марказида у билан учрашув бўлиб ўтди
Шундан сўнг ресторанларнинг бирида Бухоронинг «Софи ош»ини тайёрлаш маҳорат дарсида ҳам иштирок этди.
«Вилоятингиз обидаларининг қадимий бежирим қиёфаси билан танишиш баробарида халқингизни меҳмондўстлигига яна бир карра амин бўлдим, айниқса, бухороча оҳанглар сеҳри ва миллий ширинликлару хуштаъм чой ва тотли мевалар мени мафтун этганини алоҳида таъкидлаб ўтишим зарур», – дейди актёр.
Изоҳ (0)