Тошкентда ҳарбий отлиқлар марши ўтказилиши муносабати билан айрим кўчалар вақтинча ёпилади

Тошкентда Ўзбекистон давлат байроғи қабул қилинганлигининг 28 йиллиги муносабати билан маданий-кўнгилочар ва спорт тадбирлари ўтказилиши муносабати билан 17 ноябрда айрим кўчалардаги ҳаракатланиш вақтинча чекланади. Бу ҳақда Тошкент шаҳар ҳокимлиги матбуот хизмати хабар берди.

Ички ишлар бош бошқармаси ва Миллий гвардия бошқармаси ҳарбий отлиқлар отрядларининг Ўзбекистон давлат байроғи марши ўтказилиши муносабати билан соат 11:00 дан соат 12:00 гача:

• Амир Темур хиёбони айланма йўли;
• Амир Темур шоҳ кўчасидан И.Каримов кўчаси бўйлаб Фурқат ва Бунёдкор кўчалари кесишган чорраҳагача бўлган қисми;

Ҳаваскор велоспортчилар уюшмаси ва кўнгиллилар иштирокида Яшнобод туманидаги флагшток ўрнатилган майдондан Халқлар дўстлиги майдонигача бўлган масофада велоспортчиларнинг Ўзбекистон давлат байроғи марши ўтказилиши муносабати билан соат 11:00 дан 12:00 гача:

• Махтумқули ва Янги бозор кўчалари кесишмасидан Махтумқули кўчаси бўйлаб Моварауннаҳр кўчасигача бўлган қисми;
• Моварауннаҳр кўчасидан Абдулла Қодирий кўчаси бўйлаб Абай кўчасигача бўлган қисми;
• Абай кўчасидан Олмазор кўчаси бўйлаб Ислом Каримов кўчасигача бўлган қисми;

«Давлат байроғи – фахрим, ғурурим!» шиори остида Ойбек ва Нукус кўчалари кесишмасидан «Ҳумо арена» муз саройигача бўлган оралиқда оммавий югуриш марафони ўтказилиши муносабати билан соат 15:00 дан 17:00 гача:

• Ойбек ва Нукус кўчалари кесишмасидан Ойбек ва Афросиёб кўчалари бўйлаб Бешёғоч кўчасига бўлган қисми;
• Бешёғоч кўчасидан «Ҳумо арена» муз саройигача бўлган қисми.