Экология фаоллари Тожикистон ҳокими Рустам Эмомали номига имзолар тўплаган ҳолда шаҳардаги ҳайвонот боғини ёпиш ва ундаги ҳайвонларни табиий шароитларга қўйиб юбориш ҳақида мурожаат йўлламоқчи. Бу ҳақда Asia-Plus хабар тарқатди.
Ҳайвонлар ҳимоячиларнинг фикрича, ҳайвонот боғидаги жониворлар ўта ноқулай шароитларда ҳаёт кечирмоқда, улар яхши овқатлантирилмайди, ветеринария хизматлари ҳам у қониқарли эмас, тез-тез касалликка чалиниб, ҳалок бўлмоқда. Фаолларнинг мурожаатида қафаслар ва волерлар замонавий талабларга мос эмас, ҳайвонот боғида ишловчи ходимлари малака талабларига жавоб бермайди, муассаса таъминотининг бундай кечиши боғга келганлар, жумладан, болаларнинг руҳиятига салбий таъсир кўрсатаётгани қайд этилган.
Ҳужжат муаллифлари Душанбедаги ҳайвонот боғининг муаммолари сурункали характерга эга экани ва бу борадаги вазиятнинг 30 йилдан буён сира ўзгармаганлигига урғу берган. Улар муассасани ёпиш ва жониворларни улар тақдирига бефарқ бўлмаган мутахассислар ихтиёрига топширишни таклиф этган. Мурожаат ёзган фуқаролар ҳайвонларни бошқа мамлакатлардаги ҳайвонот боғиларга сотиш, айрим жониворларни эса реабилитациядан кейин ёввойи табиатга қўйиб юбориш ҳам тўғри ечим бўлади деб ҳисобламоқда. Ҳокимга қилинган мурожаатда оғир аҳволдаги ҳайвонларни эксперт хулосаси олинганидан кейин клиник йўл билан ухлатиб қўйиш кераклиги ёзилган.
Ёпилган ҳайвонот боғи ўрнида дам олиш зонаси, экология маркази ёки истироҳат боғи қуриш таклиф этилмоқда.Экофаоллар республика жамоат ташкилотларини ўз мурожаатини қўллаб-қувватлашга чақирди. Imzoлар йиғиш 17 ноябргача давом этади. Улар ҳоким номига икки мингдан ортиқ имзо йиғилган иккинчи мурожаатни ҳам юборишни кўзламоқда.
Изоҳ (0)