«Дарё» таҳририятига Тошкент вилояти Оҳангарон тумани Қараҳтой қишлоғида яшовчи Гуласал Турсунбоева 5 ёшли ўғли Шоҳжаҳоннинг дардига шифо истаб, ёрдам сўраб мурожаат қилди.
Шоҳжаҳон Анарматов 2014 йилда туғилган. Бир неча ойдан бери оққон касаллиги билан оғриб келмоқда.
«Ёзда фарзандим Шоҳжаҳонни қон топшириш учун Гематология институтига олиб келганимда анализ жавоблари даҳшатли чиқди. Унга оққон ташхиси қўйилди. Шу ондаёқ бизни шифохонанинг 2-болалар бўлимига жойлаштиришди. Ҳамда болажонимни 6 курсдан иборат кимё терапия қилинишини ва ҳар-бир курсга 10-15 миллионлаб маблағ кераклигини тушунтиришди. Шундан бери муолажаларни олиб келяпмиз. Ҳозир 4-курсга етиб келдик.
Оилада фақат хўжайиним ишлайди холос. Унинг топган тутганлари рўзғордан ортиб, дори-дармонларга етмай қолган. Уйдаги сотиладиган барча нарсаларимизни сотиб бўлдик. Ҳозир жуда ҳам моддий ёрдамга мухтожмиз.
Олдинда эса яна икки курс бор. Яхшиларнинг ёрдамига жуда жуда муҳтожмиз» , — дейди биз билан суҳбатда Шоҳжаҳоннинг онаси Гуласал опа.
Биз барча саховатли юртдошларимиздан эндигина 5 ёшга кирган болакай Шоҳжаҳон Анарматовга ёрдам беришларини сўраб қоламиз.
Хайрия қилмоқчи бўлган инсонлар учун керакли маълумотлар:
Пластик карта орқали
Гуласал Турсунбоева номига очилган
Ипотека банк: 8600 3329 1489 1167
Мурожаат қилмоқчи бўлганлар учун телефон рақами:
(99) 828-27 -88
(99) 721-03-15
Изоҳ (0)