Бош прокуратура ҳузуридаги Департаментнинг Фарғона вилоят бошқармаси томонидан бошқа ҳуқуқни муҳофаза қилувчи органлар билан ҳамкорликда ўтказилган тезкор тадбирда ишга киритиб қўйиш учун пора олган шахс қўлга олинди. Бу ҳақда Бош прокутарура матбуот хизмати «Дарё»га маълум қилди.
Фарғона шаҳар кўп тармоқли поликлиникаси врач-лаборанти Шоира исмли аёл Сайёра исмли фуқарони ушбу шифохонага ҳамширалик вазифасига ишга киритиб қўйиш эвазига 800 АҚШ долларини талаб қилиб, пулларни олаётган вақтида ушланган.
Мазкур ҳолат юзасидан Шоирага нисбатан Жиноят кодексининг 168 ва 28, 211-моддалари («Фирибгарлик», «Жиноят иштирокчиларининг турлари», «Пора бериш») билан жиноят иши қўзғатилиб, тергов ҳаракатлари ўтказилмоқда.
Изоҳ (0)