«Репродуктив ёшдаги аёллар, ҳомиладорлар ва болаларга кўрсатиладиган тиббий ёрдам сифатини ошириш ва кўламини янада кенгайтириш тўғрисида» Президент қарори имзоланди. Қарор билан республика болалар тиббий реабилитация маркази ташкил этилди.
Шунингдек қарорга мувофиқ, қуйидагилар ташкил этилди:
- Республика ихтисослаштирилган болалар хирургияси илмий-амалий тиббиёт маркази;
- Республика болалар тиббий реабилитация маркази;
- Республика ихтисослаштирилган акушерлик ва гинекология илмий-амалий тиббиёт маркази ҳузурида Ёрдамчи репродуктив технологиялар маркази;
- туман (шаҳар) тиббиёт бирлашмаларида, болалар анестезиология-реанимация ва интенсив терапия бўлимлари ҳамда бемор болаларга туну кун шошилинч тиббий ёрдам кўрсатувчи навбатчи шифокор постлари.
Жумладан, реабилитация марказининг асосий вазифаларидан бири 18 ёшгача бўлган бемор болаларнинг ҳаёт сифатини яхшилаш, шунингдек саломатлигини реабилитация қилиш орқали даволаш, ногиронликнинг олдини олишдан иборат.
Аввлроқ, Ўзбекистонда хусусий туғруқхоналар ҳамда аҳоли репродуктив саломатлигини мустаҳкамлаш билан шуғулланувчи кенгаш ташкил этилиши ҳақида хабар берилган эди.
Изоҳ (0)