Лондон олий суди Наталя Потанинанинг собиқ эри, «Интеррос» холдинги раҳбари Владимир Потаниндан мол-мулкининг учдан бири — 6 миллиард долларни ундириб бериш ҳақидаги даъвосини рад этди. Бу ҳақда Meduza хабар бермоқда.
Потанина гарчи собиқ турмуш ўртоғининг бизнесига катта ҳисса қўшган бўлса ҳам, ажрим чоғи «атиги» 41,5 миллион доллар олганини билдирган. Шунингдек, Владимир Потанинни тўлов суммасини камайтириш учун мол-мулкининг салмоқли қисмини офшорлардан яширишда айблади.
Даъво аризасини кўриб чиққан судья Жонатан Коэн Потанина ажрим пайтида даъво қилаётганидан деярли икки баравар кўп —84 миллион доллар олганини аниқлади. Шунингдек, никоҳ бузилганидан сўнг собиқ эр болалар харажатлари учун 7,3 миллион доллар ажратгани маълум бўлди. Шу тариқа, суд Потаниннинг собиқ хотини келтирган даъволарни асоссиз деб топди.
The Daily Mail нашрига кўра, агар Наталя Потанина собиқ эридан 6 миллиард доллар ундиришга муваффақ бўлганида, гап Британия ажрим жараёнларидаги энг катта товон пули ҳақида кетган бўларди.
Изоҳ (0)