Ўзбекистоннинг Ақтау шаҳридаги (Қозоғистон) Бош консулхонаси маълумотига кўра, 2 ноябрь куни маҳаллий вақт билан соат 17:20 да Манғистау вилояти ҳудудидаги Тажен–Бейнеу автомобиль трассасида Ўзбекистон фуқароси Ж.Ж. бошқаруви остидаги автомобиль ҳалокатга учраган. Бу ҳақда Ташқи ишлар вазирлиги хабар берди.
Йўл транспорт ҳодисаси натижасида Ўзбекистон фуқароси Ш.Х. вафот этган.
Ҳайдовчи ва бошқа 5 нафар Ўзбекистон фуқаролари енгил жароҳат олган ва даволанишга муҳтож эмас. Бейнеу тумани Ишки ишлар бўлинмаси йўл транспорт ҳодисаси юзасидан тергов ишларини олиб бормоқда.
«Бош консулхона вазиятни назоратга олган ва Қозоғистоннинг тегишли идоралари билан тезкор алоқа ўрнатган», — дейилади хабарда.
Консуллик-ҳуқуқий департаменти марҳумнинг қариндошлари ва дўстларига таъзия изҳор этади ва Қозоғистоннинг Ақтўбе, Атирау, Манғистау ва Ғарбий Қозоғистон вилоятларида бўлиб турган Ўзбекистон фуқаролари зарур ҳолларда мамлакатнинг Ақтау шаҳридаги Бош консуллигига +7-29-277-71-17 телефон рақами орқали мурожаат қилишлари мумкинлигини эслатади.
Изоҳ (0)