3 ноябрь куни Самарқанд шаҳри мезбонлигида Ўзбекистонда илк марта ўтказилаётган Халқаро хайрия ярим марафони старт олди.
Ушбу ярим марафонни Бош вазир ўринбосари Азиз Абдуҳакимов ва Самарқанд вилоят ҳокими Эркинжон Турдимовлар очиб берди.
Югуришга Регистон майдони ёнида старт берилиб, финиши чизиғи ҳам худди шу ердан кесиб ўтилди. Югуришнинг йўналиши бўйича иштирокчилар Мирзо Улуғбек мадрасаси, «Шердор» мадрасаси, «Тиллакори» мадрасаси, «Руҳобод» мақбараси, «Гўри Амир» мақбараси, «Афросиёб» шаҳарчаси, «Ҳазрати Хизр» мақбараси, «Хўжа Дониёр» мақбараси, Мирзо Улуғбек расадхонаси, Шоҳи-Зинда ансамбли, Сиёб бозори, Биби Хоним масжидлари ёнидан ўтди.
Мусобақада 12 ёшдан бошлаб 2 километргача, 16 ёшдан бошлаб 10 километргача ва 18 ёшдан бошлаб 21 километргача иштирокчилар қатнашади. Низомда Самарқанддаги мусобақанинг барча қоидаларини топиш мумкин.
Ярим марафондан тушган маблағлар Тошкент театрларидан бирида кўриш қобилияти заиф ва кўзи ожиз инсонлар учун қулай муҳит яратиш бўйича экспериментал лойиҳани амалга оширишга йўналтирилади. Ушбу дастур тифлоизоҳлаш (аудиодескрипсия) ёрдамида песани театр саҳнасида намойиш этилишини ўз ичига олади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)