Британиянинг Эссекс графлиги полицияси октябрь ойида юк машинасида жасади топилган 39 нафар муҳожир Вьетнам фуқаролари бўлиши мумкинлигини маълум қилди. Бу ҳақда Meduza хабар бермоқда.
Терговчилар Вьетнам расмийлари билан боғлангани ва қурбонларнинг айрим яқинлари билан алоқага чиққани билдирилмоқда.
Шу билан бирга, полиция зарур намуналар экспертизага тақдим этилмагани учун ҳозирча қурбонларнинг шахсини аниқлашга муваффақ бўлмади. Ҳодиса ҳақида маълумот беришга тайёр бўлганлар учун Вьетнам таржимонлари ишлаётган тезкор линия очилган.
Эслатиб ўтамиз, олдинроқ юк машинасида жасади топилган 39 нафар муҳожирнинг барчаси Хитой фуқаролари эканлиги айтилганди.
Изоҳ (0)