Канадада кучли шамол туфайли салкам 1 млн киши электр таъминотисиз қолди (видео)

Канаданинг Квебек провинциясида кучли шамол оқибатида 980 минг киши электр таъминотисиз қолди. Бу ҳақда «Korrespondent.net» хабар бермоқда.

Монреалнинг жанубий қирғоғида дарахт қулаши оқибатида 63 яшар эркак ҳалок бўлган. Яна бир киши шамол оқибатида бинодан қўпорилган ғишт тегиб, жиддий жароҳатланган.

Шунингдек, айрим жойларда соатига 90 километрга етган кучли шамол туфайли Канаданинг энг тиғиз ҳаво қўналғаларидан бўлган Монреаль халқаро аэропортида юзлаб рейслар бекор қилинган.

https://www.facebook.com/CBCMontreal/videos/584200232320551/

https://www.facebook.com/nancy.turner.319/videos/10218416674079710/

Аввалроқ «Дориан» тўфони оқибатида Канаданинг жануби-шарқий қисмида қарийб 400 минг киши электр энергиясиз қолгани ҳадиқа хабар бергандик. Кучли шамол ва ёмғир электр узатиш линияларига жиддий зарар етказган.

«Дориан» тўфони Багам оролларида вайронгарчиликларга сабаб бўлди. Бўрон марказида шамол тезлиги — салкам 300 км/соатни ташкил қилган эди.

Жанубий Каролина штати губернатори Генри Макмастер «Дориан» тўфони муносабати билан фавқулодда ҳолат эълон қилган эди.