2 ноябрь куни эрта тонгда, соат 3:30 да «Қамчиқ» махсус қидирув-қутқарув бошқармаси навбатчилик қисмига А-373 «Тошкент—Ўш» йўлининг 204-километрида йўл-транспорт ҳодисаси юз берганги ҳақида хабар келиб тушди, дея хабар бермоқда ФВВ матбуот хизмати.
Маълум бўлишича, сурхондарёлик Н.О. бошқарувидаги Cobalt русумли автомобил, бошқарувнинг йўқотилиши оқибатида, йўл четига чиқиб кетган. Ҳодиса оқибатида машина салонида бўлган уч йўловчи турли даражада тан жароҳати олган.
Орадан икки соат ўтиб худди шу йўлнинг 222-километрида ҳам шунга ўхшаш ЙТҲ қайд этилган. Фарғонанинг Бағдод туманида яшовчи Н.М. «Жигули» русумли машина бошқарувини эплай олмай қолиб, йўл четига чиқиб кетган.
«Қутқарувчилар жабрланувчиларга биринчи тиббий ёрдамни кўрсатиб, уларни Ангрен марказий касалхонасига олиб бориб жойлаштирди», — дея хабар бермоқда ФВВ матбуот хизмати.
Изоҳ (0)