Сурия президенти Башар Асад расмий Дамашқнинг ИШИД етакчиси Абу Бакр Ал-Бағдодийнинг ўлганлиги ҳақидаги хабарларга ишонарли далиллар тақдим этилмагунига қадар ишонмаслигини маълум қилди. Бу ҳақда «Известия» хабар берди.
«Дамашқ Ал-Бағдодийни йўқ қилиш масаласини Америка ҳарбийлари билан муҳокама қилмаган. Операция чиндан ҳам ўтказилганми ёки йўқ, бизга қоронғу», — дея таъкидлаган Башар Асад. У Вашингтон ҳанузгача Бағдодийнинг ўлганини тасдиқлайдиган далилларни тақдим қилмагани ва Дамашқнинг ИШИД етакчисини йўқ қилишдаги ёрдами ҳақида ОАВ орқали хабардор бўлганини қайд этган.
Шунингдек, Сурия президенти террористик мафкура мавжуд экан Ал-Бағдодий каби раҳнамоларнинг ўлдирилиши мутлақо аҳамият касб этмаслигини маълум қилди.
27 октябрда Суриянинг Идлиб вилоятида АҚШ ҳарбийларининг Ироқ, Сурия, Туркия, Россия ҳамда курдлар билан ҳамкорликда операция ўтказган ва ИШИД етакчиси Абу Бакр Ал-Бағдодий йўқ қилинган. Дональд Трамп ушбу маълумотни расман тасдиқлаган ва Бағдодийнинг туннелда ўзини-ўзи портлатиб юборганини қайд этган.
Мавзуга доир: ИШИД етакчиси Абу Бакр ал-Бағдодий қандай йўқ қилинди?
Мавзуга доир: Тортинчоқ бола, аёлларни зўрловчи, биринчи рақамли террорчи. ИШИД етакчиси Абу Бакр ал-Бағдодийнинг ҳаёт йўли
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)