Исроил дипломатик ваколатхоналарининг ходимлари 30 октябрда иш ташлаш эълон қилганидан кейин 31 октябрда яна ўз иш фаолиятига қайтганлигини билдирди. Бу ҳақда Исроилнинг Хьюстондаги (АҚШ) консуллиги Facebook’да хабар берган.
«Консуллик ва Исроилнинг бутун дунёдаги бошқа дипломатик миссиялари 2019 йилнинг 31 октябридан иш фаолиятини давом эттиради. Молия вазирлиги ҳамда дипломатлар ўртасидаги музокаралар ҳам тўхтамайди», — дейилган консулликнинг Facebook’даги саҳифасида.
Исроил дипломатик миссияларининг яна иш фаолиятига қайтганини Исроил ТИВ расмий вакили Натсир Амер ҳам тасдиқлаган.
Аввал Исроил элчихоналари, консулликлари ва бошқа дипломатик ваколатхоналарнинг ходимлари мамлакат Молия вазирлиги билан келишмовчиликлар ҳамда маошларининг камлиги сабаб иш ташлаш эълон қилган. Нью-Йоркда уч яҳудийнинг жасади иш ташлаш сабабли Исроилга жўнатила олмаётгани хабар қилинганди.
Изоҳ (0)