«Бавария» 29 октябрь, сешанба куни Германия Кубоги иккинчи босқичи доирасидаги баҳсда «Бохум»ни мағлуб этди (2:1).
Учрашувда ҳисоб Альфонсо Дэвиснинг автоголидан кейин очилди. Шу тариқа Дэвис Германия Кубогида ўз дарвозасини ишғол қилиб қўйган сўнгги 47 йил ичидаги «Бавария»нинг илк футболчисига айланди. Сўнгги бор «Бавария» собиқ футболчиси Ҳанс-Георг Шварценбек 1972 йилнинг апрелида автогол муаллифига айланганди.
Маълумот учун, 18 ёшли Дэвис «Бавария»га 2019 йилнинг ёзида келиб қўшилганди. Футболчи ушбу мавсум Германия чемпионатида учта ўйин ўтказиб, битта самарали узатма амалга оширди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)