Ўзбекистон терма жамоаси ноябрь ойида ЖЧ—2022 саралаши доирасида Саудия Арабистони ҳамда Фаластин термаларига қарши ўйин ўтказади.
Ушбу баҳсларга тайёргарлик доирасида Вадим Абрамов бошчилигидаги жамоа Қирғизистон терма жамоасига қарши ўртоқлик учрашуви ўтказади. Учрашув 9 ноябрь куни Тошкентдаги «Пахтакор» стадионида бўлиб ўтади ва соат 17:00 да бошланади.
Маълумот учун, терма жамоа ўйини чипталари савдосини тўлиқ ҳажмда «iticket.uz» портали амалга оширади. Ўзбекистон—Қирғизистон учрашуви чипталари сотувга чиқарилди. Эндиликда ишқибозлар электрон шаклда чипталар харид қилиш имконига эга.
Айни пайтда мухлислар Ўзбекистон — Қирғизистон учрашуви чипталарини «iticket.uz» сайтида 3 хил тоифада харид қилишлари мумкин:
- 1-тоифа — 5 000 сўм;
- 2-тоифа — 10 000 сўм;
- CIP — 35 000 сўм.
Ўртоқлик учрашуви
9 ноябрь, шанба, 17:00
Ўзбекистон — Қирғизистон
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)