Қирғизистон президенти Сооранбай Жээнбеков Японияга қилган хизмат сафари вақтида Toshiba Energy Systems and Solutions заводига ташриф буюрган ва у ерда Toshiba корпорацияси президенти Сатоши Цунакава билан учрашган. Бу ҳақда Қирғизистон президентининг матбуот хизмати хабар қилди.
Қирғизистон президенти компания раҳбари билан мулоқот чоғида республикада Япония корпорацияси билан ҳамкорликда инфратузилма объектлари, жумладан, гидроэнергетика лойиҳаларини амалга оширишни муҳокама қилди. Шунингдек, Toshiba раҳбарига Қирғизистон ҳудудида ГЭС қуришни таклиф этди.
Ўз навбатида Сатоши Цунакава Жээнбековга гидроэлектростанциялар, иссиқлик ва атом электростанциялари учун ишлаб чиқарилаётган хом ашё ҳақида маълумот берган.
Шунингдек, япон компанияси раҳбари Қирғизистоннинг энергия ресурсларига бой мамлакат эканлигини қайд этиб, бу ерда 80 фоиз энергия гидроэлектростанцияларда ишлаб чиқарилишидан хабардор эканлигини билдирган.
Цунакава Toshiba компаниясининг Қирғизистонда тўрт йўналиш бўйича фаолият олиб боришини режалаштиргани ва улардан бири айнан гидроэнергетика соҳасига алоқадорлигини айтиб ўтган.
Изоҳ (0)