«Наполи» Европа Чемпионлар Лигаси 3-тури доирасида сафарда «Зальцбург»ни 3:2 ҳисобида мағлуб этди.
Мазкур баҳсда неаполликлар сафида Дрис Мертенс дублга эришди. Натижада унинг «Наполи» сафидаги голлари 116 тага етди. Бу орқали Мертенс клуб сафида барча мусобақаларда 115 та гол урган афсонавий Диего Марадонадан ўтиб кетди.
Мертенсдан олдинда фақатгина Марек Ҳамшик бор. У «Наполи» сафида 121 та гол урган.
Маълумот учун, Мертенс мазкур клуб сафида 2013 йилдан бери тўп суради. У ПСВдан Италияга кўчиб ўтганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)