Freedom Finance MChJ xorijiy korxonasi rahbariyati, O‘zbekistondagi Freedom Finance MChJ XKning yagona ta’sischisi Freedom Holding Corp. kompaniyasi Nasdaq Capital Market birjasida listing ro‘yxatidan o‘tganini va Nyu-Yorkda FRHC tikeri ostida Freedom Holding Corp. oddiy aksiyalari bilan savdolar boshlanganini ma’lum qildi.
Shunday qilib, endi amerikalik investorlar O‘zbekistonda ham aktiv faoliyat ko‘rsatadigan kompaniyaning hamkorlariga aylanishi mumkin. Eslatib o‘tamiz, Freedom Finance kompaniyasi “Toshkent” respublika fond birjasi (UZSE)ning a’zosi hisoblanadi. Korxona “Qo‘qon mexanika zavodi” AJ aksiyalarining SPO (ikkilamchi ommaviy taklif)da reklama kampaniyasi tashkilotchisi bo‘lgan va “Kvars” AJ aksiyalarining SPO anderrayteri etib tanlandi. Freedom Finance MChJ XK filiallari O‘zbekistonning yirik shaharlarida taqdim etilgan. “Aksiyalarimizning yetakchi jahon birja maydonlaridan biri bo‘lgan NASDAQ birjasida savdolarga qo‘yilishi kompaniyamiz yuksak professional standartlarga amal qilishidan va moliyaviy tashkilotlar ishonchliligining jahon mezonlariga javob berishidan yaqqol dalolat beradi”, — deydi Freedom Finance MChJ XK ijrochi direktori Yevgeniy Mojeyko.
Bundan oldin, 2018-yil iyulidan boshlab, xoldingning oddiy aksiyalari OTC (Over-the-Counter) Markets group boshqaruvi ostidagi OTCQX Best market’da ro‘yxatdan o‘tkazilgandi. 2018-yil yakunlari bo‘yicha kompaniya Top-50 OTCQX® 2019, ya’ni OTCQX Best market da savdo amaliyotlarini amalga oshiruvchi o‘tgan yilgi eng yaxshi kompaniyalar reytingida 5-o‘rinni egalladi.
Freedom Holding Corporation haqida
Freedom Holding Corp. – bu o‘zining Sharqiy Yevropa va O‘rta Osiyodagi Freedom Finance sho‘ba korxonalari orqali moliyaviy faoliyat, turli brokerlik amaliyotlari, investitsiya masalalari bo‘yicha konsultatsiyalar, qimmatli qog‘ozlar savdosi, ishonchli boshqaruv va anderrayting xizmatlarini amalga oshiradigan xolding. Kompaniya Qozog‘iston fond birjasi (KASE), Astana International Exchange (AIX), Moskva birjasi (MOEX), Sankt-Peterburg birjasi (SPB), “Toshkent” respublika fond birjasi (UZSE) va Ukraina birjasining professional ishtirokchisi hisoblanadi. Kompaniya bosh ofisi Olmaotada (Qozog‘iston), qo‘shimcha ofislari Rossiya va Qo‘shma Shtatlarda joylashgan. Kompaniya Qozog‘iston, Rossiya, Qirg‘iziston, Ukraina, O‘zbekiston, Germaniya va Kiprdagi 70 ta filiali orqali 100 000 dan ortiq mijozga xizmat ko‘rsatadi va o‘z mijozlariga savdo va hisob faoliyati uchun TraderNet mobil platformasi bilan ishlash imkoniyatini taqdim etadi.
O‘zbekistonda Freedom Holding Corp. kompaniyasi Freedom Finance MChJ XK sho‘ba korxonasiga ega. Filiallar tarmog‘i Toshkent, Farg‘ona, Andijon, Samarqand, Buxoro, Navoiy, Qarshi va Nukus shaharlarini qamrab olgan. Kompaniya strateglari tomonidan ishlab chiqilgan dasturlar sarmoyadorlarni keyinchalik yirik milliy korxonalarning hamegalariga aylanishlari uchun o‘z moliyasini to‘g‘ri boshqarishni o‘rgatadi. Kompaniya barcha xohlovchilar qatnashishi mumkin bo‘lgan seminar dasturlarini amalga oshiradi.
Ma’lumotnoma:
NASDAQ (National Association of Securities Dealers Automated Quotation) – 1971-yildan buyon faoliyat ko‘rsatib kelayotgan amerika birjasi. U yuqori texnologik kompaniyalarning aksiyalariga ixtisoslashgan bo‘lib, AQSh fond birjalari Top-3 taligiga kiradi. Ayni paytda NASDAQ birjasida 3 300 dan ortiq kompaniya listingdan o‘tgan. Birja eng katta savdolar hajmiga ega bo‘lib, unda kuniga taxminan 1,8 milliard bitim amalga oshiriladi.
Izoh: Qimmatli qog‘ozlar va boshqa moliyaviy vositalarga egalik qilish har doim tavakkallar bilan bog‘liq: qimmatli qog‘ozlar va boshqa moliyaviy vositalarning qiymati o‘sishi ham, tushib ketishi ham mumkin. O‘tmishdagi investitsiya qilish natijalari kelgusida daromad olish kafolati hisoblanmaydi. Kompaniya kelgusida qo‘yilmalarning daromadli bo‘lishini kafolatlamaydi va buni va’da qilmaydi, ehtimoliy investitsiyalar ishonchli bo‘lishini va ehtimoliy daromadlar miqdorining barqarorligini kafolatlamaydi. Investitsiya obyekti sifatida qimmatli qog‘ozlarni tanlash va bu tanlovning tegishli oqibatlari investorning tavakkalchiligi hisoblanadi.
Reklama huquqi asosida.
Izoh (0)