Тошкентдаги Ислом Каримов кўчасида 21 октябрдан бошлаб айрим турдаги транспорт воситалари учун ҳаракат қисман чекланади. Бу ҳақда Тошкент шаҳар ИИББ хабар бермоқда.
Tashkent City ҳудудида олиб борилаётган қурилиш ишлари атрофидаги йўлларда ҳаракат хавфсизлигини таъминлаш мақсадида 21 октябрдан юк оғирлиги беш тоннадан ортиқ бўлган юк машиналари учун чеклов ўрнатилмоқда.
Чеклов Ислом Каримов кўчасининг Олмазор кўчасидан Бунёдкор кўчасигача бўлган қисмида олти ой муддат давомида амал қилади.
Шунингдек, бир кун — 21 октябрда Tashkent City парки соат 14:00 дан 20:00 гача ёпиқ бўлади. Тасдиқланмаган маълумотларга кўра, бу Сити ҳудудидаги Конгресс-холл Давлат тили байрамига бағишланган байрам тадбирлари билан боғлиқ бўлиши мумкин.
Изоҳ (0)