Футбол бўйича Испания Ла Лигасининг 9-тури доирасида 19 октябрь, шанба куни Зинедин Зидан қўл остидаги Мадриднинг «Реал» клуби меҳмонда «Мальорка»га қарши майдонга тушди.
Учрашувдаги ягона гол 7-дақиқада урилди. Унга мезбон жамоа ярим ҳимоячиси Лаго Жуниор муаллифлик қилди.
Шу тариқа «Қироллик клуби» сафарда кечган баҳсда «Мальорка»га кичик ҳисобда мағлуб бўлди ва очко йўқотди.
Қайд этиш жоиз, беллашувнинг 74-дақиқасида Мадрид клуби ҳимоячиси Альваро Одриосола ҳакам томонидан қизил карточка билан жазоланди ва жамоа ўйин якунига қадар майдонда 10 киши бўлиб ҳаракат қилди.
Маълумот учун, бу мадридликларнинг Ла Лигада мавсумдаги дастлабки мағлубияти ҳисобланади. Жамоа бунга қадар мусобақада 5 та ғалаба ва 3 та дуранг натижа қайд этганди.
Эслатиб ўтамиз, «Реал» 18 очко жамғарган ҳолда мусобақа жадвалида 2-ўринда бормоқда. «Мальорка» эса 10 очко билан 14-ўринни эгаллаб турибди.
Ла Лига
9-тур баҳси
19 октябрь, шанба
«Мальорка»—«Реал» 1:0
Гол: 1:0 — 7 Лаго Жуниор«Мальорка»: Рейна, Гамес, Раильо, Састре (Лумор, 46), Вальент, Дани Родригес, Баба, Севилья, Фебас (Кубо, 59), Лаго Жуниор (Трайковски, 81), Будимир
«Реал»: Куртуа, Одриосола, Рамос, Милитао, Марсело, Иско (Родриго, 66), Хамес, Каземиро, Винисиус Жуниор (Браим Диас, 81), Йович (Вальверде, 66), Бензема
Огоҳлантиришлар: Одриосола (19), Састре (30), Баба (90)
Четлатиш: Одриосола (74)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)