Фотогалерея: Tashkent City’даги машҳурлар музейига саёҳат

Аввалроқ Tashkent City мажмуасидаги истироҳат боғи таркибида машҳур юлдузларнинг мумдан ясалган ҳайкаллари намойиш этилган «Юлдузлар музейи» очилган эди. Дарё мухбири музейда бўлиб махсус фотолавҳалар тайёрлади.

Музейдаги ҳар бир экспонатнинг атрофи уни машҳур қилган соҳага алоқадор майда деталларигача ўйланган композиция билан ўралган. Қолаверса, улар ҳақидаги маълумотлар рамкага солиниб деворга илинган.

Ҳозирча дунё маданияти, сиёсати ва спортининг 13 нафар ёрқин вакилларининг ҳайкаллари ўрнатилган бўлса, 1 ойдан сўнг қолган экспонатлар ҳам келиши кутилмоқда. Уларнинг сафида ўзбек санъати вакиллари ҳам бўлиши кутилмоқда.

Бўлажак экспонатлар ичида Россия президенти Владимир Путин, футбол юлдузлари Криштиану Роналду, Лионель Месси, турк актёрлари Бурак Ўзчивит, Неслиҳан Атагул, ҳинд актёрлари Шоҳруххон, Айшвария Рай, Амитабҳ Баччан, хитойлик афсона Жеки Чан, ўзбек қизиқчилик санъати дарғаларидан бири Ҳожибой Тожибоев бўлиши кутилмоқда.

Фигуралар хитойлик ва туркиялик усталар томонидан яратилмоқда.

Музейга кириш нархи: 20 минг сўм

Ўз йўналишига мос равишда жиҳозланган, «юлдузлар»га ажратилган хоналарда уларнинг ҳаёти ва ижодига тегишли маълумотларни уч тилда ўқиш мумкин.