Turkiya prezidenti Rajab Toyyib Erdo‘g‘on Anqara sanksiyalardan xavotirga tushmagani va Suriya shimoli-sharqidagi “Tinchlik bulog‘i” operatsiyasini davom ettirishini ma’lum qildi. Bu haqda Turkiya davlat rahbari Ozarbayjondan qaytayotgan vaqtda o‘z samolyoti bortida jurnalistlarga bergan intervyusida qayd etgan, deb yozmoqda “TASS”.
“Maqsadimiz aniq va biz turli sanksiyalardan aslo qo‘rqmayapmiz. ‘Xalq milliy himoyasi’ kuchlari o‘z pozitsiyalarini boy bermoqda. Asosiy maqsad – terrorchilarni o‘z chegaramizdan Suriya ichkarisiga 32 kilometrga uzoqlashtirish”, — deya ta’kidlagan Erdo‘g‘on.
Uning so‘zlariga ko‘ra, Anqara Vashington va Moskva bilan Suriyaning Manbij va Kobani shaharlarining keyingi taqdiri borasida muzokaralarni davom ettirmoqda.Erdo‘g‘on Suriya hukumat armiyasining Manbijga kirganini salbiy hodisa deb hisoblamasligini bildirdi.
“Bashar Asad qo‘shinlarining Manbijga kirganini yomon hodisa deb hisoblamayman. Sababi bu ularning hududi”, — deydi Erdo‘g‘on.
Shuningdek Turkiya prezidenti Manbijni terrorchilardan tozalash zarurligini va bu haqda Rossiya davlat rahbari Vladimir Putin bilan bu borada suhbatlashganini ham ma’lum qildi.
Izoh (0)