Японияга «Хагибис» тўфони ёпирилиши оқибатида ҳалок бўлганлар сони 61 кишига етди. Бу ҳақда «РИА Новости» хабар бермоқда.
Яна 13 киши бедарак йўқолган ҳисобланмоқда, 200 нафардан ортиқ одам жароҳат олган.
Тўфон шиддатли ёмғирлар билан бирга келди, мамлакатнинг айрим ҳудудларида икки сутка давомида 1,5—2 ойлик нормадаги ёғинлар кузатилган. Улар туфайли Япониядаги 37 та дарёда 52 жойда ҳимоя дамбалари вайрон бўлган, кўплаб турар жойлар сув остида қолган.
Табиий офатдан энг кўп Фукусима, Мияги, Канагава, Тотиги, Саитама, Нагано ва Сидзуока префектуралари жабр кўргани айтилмоқда.
Қайд этилишича, 13 та префектурадаги 138 минг хонадон сувсиз қолмоқда. 34 минг уйда электр энергияси йўқ.
Изоҳ (0)