Саудия Арабистони қирғоқларига яқин ҳудудда ҳужумга учраган нефть танкери Sabiti Боб ал-Мандиб бўғозига кирган ва тўққиз кун ичида Бендер Аббос портига етиб келади. Бу ҳақда Эрон портлари ва кемасозлик ташкилотининг раҳбари Муҳаммад Растад маълум қилди, деб хабар берган «ТАСС».
«Танкер Боб ал-Мандиб бўғозига кирган ва яқин вақт ичида Аден кўрфазига етади, сўнгра Ҳинд океани орқали Ўрмуз бўғози томон ҳаракатланади. Тўққиз кун ичида танкер Эроннинг Бендер Аббос портига келади», — дея таъкидлаган Растад.
Унинг сўзларига кўра, танкер экипажи биргаликда ҳаракат қилиб нефть оқимини тўхтатган ва атроф-муҳит ифлосланишининг олдини олган.
Эрон миллий нефть компаниясига тегишли Sabiti танкерида 11 октябрь, жума куни Жидда порти яқинида иккита портлаш содир бўлган, натижада кема резервуарларидан Қизил денгизга нефть оқиб кетганди.
Кемадаги портлаш ҳақида хабар қилган маҳаллий ва хорижий нашрларнинг аксарияти портлашлар иккита ракетанинг кемага келиб урилиши натижасида содир бўлган деган тахминни илгари сурган.
Изоҳ (0)