12-oktabr kuni Yaponiyaning Xonsyu oroliga “Xagibis” to‘foni yopirildi, deb xabar beradi “RIA Novosti”.

Foto: Reuters

Ta’kidlanishicha, to‘fon markazidagi bosim 945 gektopaskalni, shamol tezligi esa soniyasiga 45—65  metrni tashkil etgan.

Foto: Reuters

So‘nggi ma’lumotlarga ko‘ra, 19 kishi halok bo‘lgan va 16 kishi bedarak yo‘qolganlar safida.

Foto: Reuters

Tokioda shamol tezligi soniyasiga 41,5 metrga yetgan. Bu esa yuk mashinasini ag‘darib yuborish va daraxtlarni qo‘porish uchun yetarli.

Foto: Reuters

12 ta prefekturada, jumladan, Tokioda ham yuqori darajadagi toshqin xavfi e’lon qilingan. Bu kabi eng yuqori xavf darajasi nafaqat shaharlar atrofida, balki barcha 23 ta markaziy tumanlarda ham e’lon qilingan.

Foto: Reuters

Mahalliy hukumat 11 million yaponiyalikka o‘z uylarini tark etishni tavsiya qilgan. Evakuatsiya e’lon qilinishi insonlar sog‘lig‘i va hayoti uchun bevosita xavf borligini anglatadi.

Foto: Reuters

Nagano shahrida ikki uyda joylashgan 160 odam suv qurshovida qolib ketgan. Xuddi shu kabi vaziyat Saitama prefekturasida ham sodir bo‘lgan.

Foto: Reuters

Kuchli shamol oqibatida elektr uzatish tarmoqlari uzilib ketgan. Mahalliy hukumatning ma’lumotlariga ko‘ra, 376 ming uy elektr energiyasiz qolgan.

Foto: Reuters

Mamlakatning asosiy meteorologik agentligining ma’lum qilishicha, mazkur to‘fonning kuchi va yetkazadigan zarari 1958-yilda sodir bo‘lgan “Ida” to‘foniga qiyoslanmoqda. O‘shanda ham yuzlab odam halok bo‘lgan.

Foto: Reuters

Aviakompaniyalar oldindan yuzlab reyslarni bekor qilgan, temir yo‘l kompaniyalari harakat to‘xtatilganini bildirgan.