Yaponiya Mudofaa vazirligi kuchlari tomonidan “Xagibis” to‘foni vaqtida qutqarilgan keksa ayol vertolyotdan tushib ketdi. 40 metr balandlikdan tushib ketgan ayol shifoxonada vafot etdi, deb xabar beradi “RIA Novosti”.
Avvalroq, Fukusima prefekturasida olib borilgan evakuatsiya ishlari vaqtida 77 yoshli ayol vertolyotdan tushib ketgani ma’lum qilingandi. Jarohat olgan ayolning yuragi va nafas olishi to‘xtab qolgan.
12-oktabr kuni Yaponiyaning Xonsyu oroliga “Xagibis” to‘foni yopirilgan edi. To‘fon markazidagi bosim 945 gektopaskalni, shamol tezligi esa 45—65 metrni tashkil etgan. So‘nggi ma’lumotlarga ko‘ra, 19 kishi halok bo‘lgan va 16 kishi bedarak yo‘qolganlar safida.
12 ta prefekturada, jumladan, Tokioda ham yuqori darajadagi toshqin xavfi e’lon qilingan. Bu kabi eng yuqori xavf darajasi nafaqat shaharlar atrofida, balki barcha 23 ta markaziy tumanlarda e’lon qilingan.
Izoh (0)