2018 йилнинг сентябрь ойида 30 ёшли Сарвар А. 35 ёшли Дилоромхон М.нинг ишончига кириб, унга Nexia-3 автомобилини бир йил давомида муддатли тўлов шарти билан 13 000 АҚШ доллари эвазига харид қилишни таклиф қилган.
Тошкент шаҳар ИИББ матбуот хизмати хабар беришича, Сарвар Дилоромни дастлабки тўлов сифатида 4000 АҚШ доллари тўлашга кўндирган. Қолган маблағни эса йил давомида ойма-ой тўлашга келишишган.
Шундан сўнг Сарвар интернет орқали транспорт воситаларининг арендаси ҳақидаги эълон топиб, Nexia-3 русумли автомобилни эгаси бўлган 27 ёшли Сарварбек билан машинани 2 йил муддатга 19 200 АҚШ доллари эвазига, ҳар ой 800 АҚШ доллари тўлаб харид қилишга келишган.
Ўтган йилнинг октябрь ойи бошида Сарвар транспорт воситасини ўзига ва Дилоромхонга бошқариш учун ҳуқуқ берувчи нотариал ишончнома расмийлаштирган.
Шундан сўнг Сарвар жабрланувчини бир йил ичида автомобилни унинг номига расмийлаштиришни ваъда қилиб, ундан 9 000 АҚШ доллари олган.
Аммо Сарвар пулларни ўз эҳтиёжи уcун сарфлаб юборган.
Ушбу факт асосида Жиноят кодексининг 168-моддаси (Фирибгарлик) бўйича жиноий иш қўзғатилган.
Изоҳ (0)