Араб давлатлар лигаси бош котиби Аҳмад Абул Ғайт Туркия Сурия шимолидаги ҳарбий ҳаракатларини зудлик билан тўхтатиши кераклигини таъкидлади. Бу ҳақда «Коммерсантъ» хабар берди.
«Тинчлик булоғи» операцияси Сурия шимоли-шарқида 9 октябрда бошланган ва Анқаранинг ундан кўзлаган асосий мақсади Фрот дарёсидан Ироқ чегарасига бўлган ҳудудни курд гуруҳларидан тозалаб суриялик қочоқлар учун хафсиз зона ташкил қилишдан иборат.
Араб давлатлари лигаси бош котиби Туркиянинг ушбу ҳарбий ҳаракатлари курдларга нисбатан тажовуз эканлигини қайд этди.
«Туркияни тезкорлик билан барча ҳарбий ҳаракатларни тўхтатишга, қўшинни Сурия ҳудудидан олиб чиқиб кетишга чақирамиз»,— дея таъкидлаган Абдул Ғайт Араб давлатлари лигасининг фавқулодда мажлисида.
Лига бош котибининг фикрича, Туркиянинг ушбу ҳарбий ҳаракатлари сабаб 300 минг нафар одам қочоққа айланиши мумкин. Шунингдек, Аҳмад Абул Ғайтнинг ушбу операцияни Сурия шимолида яшовчи халқлар, хусусан, курд миллатига қарши «оммавий қирғин» деб атади.
Мавзуга доир:
Изоҳ (0)