Бош прокуратура жамоатчилик билан алоқалар ва ҳуқуқий ахборот бўлими бошлиғи Ҳаёт ШамсутдиновНаманган вилоятида бюджет маблағлари талон-торож қилинганлиги ҳолати юзасидан баёнот берди.
Наманган вилояти Поп туманидаги 15-сонли мактабгача таълим муассасасида амалга оширилган қурилиш ишлари қайта назорат ўлчовидан ўтказилганда, қурилиш ишларини олиб борган «Зиё С» қурилиш корхонаси томонидан ҳужжаларни қалбакилаштириш орқали жами 78 миллион сўмлик бюджет маблағлари талон-торож қилинганлиги аниқланган.
Мазкур ҳолат юзасидан қурилиш корхонаси раҳбарига нисбатан ЖКнинг 167-моддаси 2-қисми «а, г» бандлари билан жиноят иши қўзғатилган.
Тергов ҳаракатлари олиб борилмоқда.
Изоҳ (0)