Сенат 23-ялпи мажлиси биринчи иш кунидан фоторепортаж

11 октябрь куни Ўзбекистон Сенатининг 23-ялпи мажлиси биринчи иш куни бўлиб ўтди. Мажлис кун тартибига 31 та масала киритилган. Шундан 19 таси қонун бўлиб, жумладан, «Банклар ва банк фаолияти тўғрисида»ги, «Ўзбекистон Республикасининг Марказий банки тўғрисида»ги ва «Валютани тартибга солиш тўғрисида»ги қонунларнинг янги таҳрири кўриб чиқилди.

Шунингдек, тўловлар ва тўлов тизимлари, илм-фан ва илмий фаолият, она сути билан озиқлантиришни қўллаб-қувватлаш ҳамда гўдаклар ва кичик ёшдаги болалар озиқ-овқат маҳсулотларига доир талаблар ҳақидаги қонунларга мажлис кун тартибига олиб чиқилди. Бундан ташқари бир қатор халқаро шартномалар ратификация қилинди. Вазирлар Маҳкамасига парламент сўровлари юборилиши ҳам кун тартибидан ўрин олган эди.

«Дарё» мухбири Мадина Нурман Сенат 23-ялпи мажлиси биринчи иш кунидан фоторепортаж тайёрлади.