Футбол бўйича Россия Премьер лигасининг 12-турида 6 октябрь, якшанба куни Валерий Карпин қўл остидаги «Ростов» жамоаси Москвада ЦСКАга қарши майдонга тушди.
Учрашув давомида меҳмон жамоа вакиллари Хорен Байрамян (11, 44) ва Элдор Шомуродов (61) томонидан урилган голларга москваликлар Никола Влашич (90)нинг пенальтидан урган голи билан жавоб қайтарди.
Шу тариқа «Ростов» меҳмонда кечган баҳсда ЦСКА устидан 3:1 ҳисобидаги ишончли ғалабага эришди..
Ушбу ғалабадан сўнг Карпин жамоаси очколари сонини 26 тага етказиб олди ва мусобақа жадвалида еткачилик қилмоқда. ЦСКА эса 25 очко билан 4-ўринни эгаллаб турибди.
Қайд этиш жоиз, мазкур ўйинда битта голга муаллифлик қилган Шомуродов ҳисобидаги голлари сони 10 тага етди ва у тўпурарлар баҳсида «Крилья Советов» ҳужумчиси Александр Соболев билан еткачиликни бўлишиб турибди. Бундан ташқари Элдор жорий мавсум 2 та голли узатма беришга ҳам эришди.
РПЛ
12-тур баҳси
6 октябрь, якшанба
ЦСКА—«Ростов» 1:3
Голлар: 0:1 — 11 Байрамян, 0:2 — 44 Байрамян, 0:3 — 61 Шомуродов, 1:3 — 90, пенальти Влашич.ЦСКА: Акинфеев, Шарлия, Гогуа (Лукас Сантос, 46), Дивеев, Фернандес, Влашич, Аҳмедов (Бистрович, 89), Кучаев, Обляков, Сигурдссон (Бийол, 67), Чалов
«Ростов»: Бабурин, Хажикадунич, Чернов, Чистяков, Козлов, Попов, Байрамян (Логашов, 77), Глебов (Зайнутдинов, 58), Normaнн, Ионов (Саплинов, 85), Шомуродов
Огоҳлантиришлар: Глебов (12), Фернандес (30), Саплинов (86)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)