Қашқадарё вилояти, Ғузор туманида тадбиркорлик маҳсулотларини Европага етказиб берувчи Логистик марказ фаолият бошлади. Бу ҳақда «Дарё»га Ғузор туман ҳокимлиги ахборот хизмати хабар берди.
Маълум қилинишича, «Buyuk Amir Logistic» МЧЖ (Буюк Британия—Литва—Ўзбекистон) қўшма корхонаси туманда «Логистика маркази» ташкил этиш мақсадида сентябрда давлат рўйхатидан ўтказилган.
Хорижлик инвесторларга лойиҳани амалга ошириш учун туман ҳокими томонидан шаҳар марказидан қулай ер майдони ажратилган ҳамда марказ очилиши муносабати билан 30 та янги иш ўрни яратилган.
Хорижлик инвесторлар томонидан логистика марказига 720 минг долларлик 17 та замонавий махсус юк ташиш техникаси олиб келинган. Қўшимча қилинишича, 2019 йил охиригача қўшимча 10 минг тонна сиғимга эга совутгич ва 25 та махсус техника олиб келиниши режалаштирилган.
Изоҳ (0)