Биринчи марта ташкил этилаётган форумда Туркий кенгашга аъзо давлатлар ишбилармонларининг 300га яқин, Ўзбекистон вазирлик, идоралар, тадбиркорлик субъектларидан иборат 200га яқин вакиллари иштирок этди.
Тадбирнинг Молия вазири Жамшид Қўчқоров очиб берди. Жамшид Қўчқоров иштирокчиларни табриклаб, маҳаллий иқтисодиётда сўнгги 2 йилдаги ўзгаришларга тўхталди. Солиқ, божхона, тадбиркорлик, туризм, капитал ва инвестициялар, ташқи савдо соҳаларидаги ўзгаришларни рақамлар билан келтириб ўтди.
Ўзбекистонда бизнес учун асосий муаммо бўлиб келган тўсиқлар бугунги кунда ўз аҳамиятини йўқотди. Миллий валюта эркин конвертацияси таъминланди, тижорат банклари ислоҳ қилина бошланди, банк тизимида рақамли технологиялар кенг қўлланилмоқда. 2019 йилнинг 1 январигача Ўзбекистон солиқ тизими 2 хил солиқ тартибини ўз ичига олган эди. Шунинг учун биз бу тизимни кескин ўзгартирдик. 1 октябрдан солиқда бир қатор имтиёзлар бекор қилинди, ҚҚС ставкаси 20дан 15%га туширилди, давлат корхоналари пенсия фондларига ажратмалар 25дан 12%га пасайтирилди.2018 йилда ташқи савдо айланмамиз 34 млрд АҚШ долларини ташкил этиб ўтган йилига нисбатан 27% кўпайди. Сўнгги 2 йилда туризм соҳасига алоҳида эътибор берилмоқда.
2018 йилда юртимизга ташриф буюрган хорижий фуқаролар сони 2,3 баробарга кўпайди.
2018 йил натижаларига кўра юқори инвестицион фаоллик қайд этилди. Асосий капиталга инвестициялар ҳажми 13,3 миллиард долларни ташкил этиб 18%га кўпайди. Ўзбекистон Жаҳон савдо ташкилотига аъзо бўлиш жараёнини ҳам тезлаштирмоқда.
Бош вазир ўринбосари, Молия вазири Жамшид Қўчқоров
Туркий тилли давлатлар ҳамкорлик кенгаши бош котиби Бағдад Амриев 1 йил аввал Туркий савдо палатасини тузиш ғоясини билдирган эди. Бугун ана шу палатининг биринчи форуми бўлиб ўтмоқда. 14 ва 15 октябрда Бокуда бўладиган саммит якунида Ўзбекистон Туркий тилли давлатлар ҳамкорлик кенгашига тўлақонли аъзо бўлиб кириши кутилмоқда.
— Ўзбекистон Республикаси Туркий тилли давлатлар Кенгашининг тўлиқ аъзоси бўлди. Президент Шавкат Мирзиёевнинг бу қарори тарихийдир. У «Туркий тилли давлатлар кенгашини тузиш бўйича Нахичеван битими» имзоланганининг 10, Туркий кенгашнинг эса 7-саммитига тўғри келганидан жуда мамнунмиз. Ўйлайманки, кенгашнинг бирлаштирувчи байроғи остида Ўзбекистон ва бошқа аъзо давлатларнинг муносабатлари янада кенгроқ ҳамда порлоқ истиқболга эга бўлади.Туркий тилли давлатлар Ўзбекистоннинг муҳим иқтисодий-инвестицион ҳамкоримиз саналади. Бугун уларнинг сармоялари билан Ўзбекистонда 2 500та қўшма корхона ташкил қилинган. Туркия билан ўртамизда доимий асосда ишлайдиган Ўзбек-Турк ишбилармонлар форуми тузилган. Бугун форумга Озарбайжондан 50дан ортиқ, Қозоғистондан 150, Қирғизистондан 30, Туркиядан 150та, Венгриядан 15та, Ўзбекистондан 150 нафардан кўп тадбиркорлар қатнашмоқда. B2B шаклидаги муҳокамаларда қатнашадилар.Туркий тилли давлатлар ҳамкорлик кенгаши бош котиби Бағдад Амриев
Мамлакатимиз президенти Шавкат Мирзиёев 1 йил аввал, Қирғизистондаги Чўлпон-ота саммитида 2019 йилда Тошкентда Туркий тадбиркорлар кенгаши мажлисини ташкил этиш ва Инвестиция ва бизнес форумини ўтказиш ташаббуси билан чиққан эдилар. Биз буни амалга оширдик.Адҳам Икрамов, Ўзбекистон Савдо-саноат палатаси раиси
Изоҳ (0)