Birinchi marta tashkil etilayotgan forumda Turkiy kengashga a’zo davlatlar ishbilarmonlarining 300ga yaqin, O‘zbekiston vazirlik, idoralar, tadbirkorlik subyektlaridan iborat 200ga yaqin vakillari ishtirok etdi.
Tadbirning Moliya vaziri Jamshid Qo‘chqorov ochib berdi. Jamshid Qo‘chqorov ishtirokchilarni tabriklab, mahalliy iqtisodiyotda so‘nggi 2 yildagi o‘zgarishlarga to‘xtaldi. Soliq, bojxona, tadbirkorlik, turizm, kapital va investitsiyalar, tashqi savdo sohalaridagi o‘zgarishlarni raqamlar bilan keltirib o‘tdi.
O‘zbekistonda biznes uchun asosiy muammo bo‘lib kelgan to‘siqlar bugungi kunda o‘z ahamiyatini yo‘qotdi. Milliy valyuta erkin konvertatsiyasi ta’minlandi, tijorat banklari isloh qilina boshlandi, bank tizimida raqamli texnologiyalar keng qo‘llanilmoqda. 2019-yilning 1-yanvarigacha O‘zbekiston soliq tizimi 2 xil soliq tartibini o‘z ichiga olgan edi. Shuning uchun biz bu tizimni keskin o‘zgartirdik. 1-oktabrdan soliqda bir qator imtiyozlar bekor qilindi, QQS stavkasi 20dan 15%ga tushirildi, davlat korxonalari pensiya fondlariga ajratmalar 25dan 12%ga pasaytirildi.2018-yilda tashqi savdo aylanmamiz 34 mlrd AQSh dollarini tashkil etib o‘tgan yiliga nisbatan 27% ko‘paydi. So‘nggi 2 yilda turizm sohasiga alohida e’tibor berilmoqda.
2018-yilda yurtimizga tashrif buyurgan xorijiy fuqarolar soni 2,3 barobarga ko‘paydi.
2018-yil natijalariga ko‘ra yuqori investitsion faollik qayd etildi. Asosiy kapitalga investitsiyalar hajmi 13,3 milliard dollarni tashkil etib 18%ga ko‘paydi. O‘zbekiston Jahon savdo tashkilotiga a’zo bo‘lish jarayonini ham tezlashtirmoqda.
Bosh vazir o‘rinbosari, Moliya vaziri Jamshid Qo‘chqorov
Turkiy tilli davlatlar hamkorlik kengashi bosh kotibi Bag‘dad Amriyev 1 yil avval Turkiy savdo palatasini tuzish g‘oyasini bildirgan edi. Bugun ana shu palatining birinchi forumi bo‘lib o‘tmoqda. 14 va 15-oktabrda Bokuda bo‘ladigan sammit yakunida O‘zbekiston Turkiy tilli davlatlar hamkorlik kengashiga to‘laqonli a’zo bo‘lib kirishi kutilmoqda.
— O‘zbekiston Respublikasi Turkiy tilli davlatlar Kengashining to‘liq a’zosi bo‘ldi. Prezident Shavkat Mirziyoyevning bu qarori tarixiydir. U “Turkiy tilli davlatlar kengashini tuzish bo‘yicha Naxichevan bitimi” imzolanganining 10, Turkiy kengashning esa 7-sammitiga to‘g‘ri kelganidan juda mamnunmiz. O‘ylaymanki, kengashning birlashtiruvchi bayrog‘i ostida O‘zbekiston va boshqa a’zo davlatlarning munosabatlari yanada kengroq hamda porloq istiqbolga ega bo‘ladi.Turkiy tilli davlatlar O‘zbekistonning muhim iqtisodiy-investitsion hamkorimiz sanaladi. Bugun ularning sarmoyalari bilan O‘zbekistonda 2 500ta qo‘shma korxona tashkil qilingan. Turkiya bilan o‘rtamizda doimiy asosda ishlaydigan O‘zbek-Turk ishbilarmonlar forumi tuzilgan. Bugun forumga Ozarbayjondan 50dan ortiq, Qozog‘istondan 150, Qirg‘izistondan 30, Turkiyadan 150ta, Vengriyadan 15ta, O‘zbekistondan 150 nafardan ko‘p tadbirkorlar qatnashmoqda. B2B shaklidagi muhokamalarda qatnashadilar.Turkiy tilli davlatlar hamkorlik kengashi bosh kotibi Bag‘dad Amriyev
Mamlakatimiz prezidenti Shavkat Mirziyoyev 1 yil avval, Qirg‘izistondagi Cho‘lpon-ota sammitida 2019-yilda Toshkentda Turkiy tadbirkorlar kengashi majlisini tashkil etish va Investitsiya va biznes forumini o‘tkazish tashabbusi bilan chiqqan edilar. Biz buni amalga oshirdik.Adham Ikramov, O‘zbekiston Savdo-sanoat palatasi raisi
Izoh (0)