Мажбурий ижро бюроси «Отель Нукус» МЧЖдан «Қишлоққурилишбанк»нинг Нукус филиали фойдасига 3 миллиард сўм асосий қарз, 337 303 400 сўм кредит фоизи, шунингдек, устама ва почта харажатларини ундириш бўйича ҳаракатларини гаровга қўйилган меҳмонхона ва кафе биносига қаратган. Бу ҳақда Мажбурий ижро бюроси «Дарё»га маълум қилди.
Ушбу ижро ҳужжати бюронинг Нукус шаҳар бўлими иш юритувига 7 март куни келиб тушган ва шу куннинг ўзида ижро иши қўзғатилган. Олиб борилган мажбурий ижро ҳаракатлари давомида, қарздорга суд қарорининг ижросини таъминлаш учун ихтиёрий муддат берилган ва бир неча бор огоҳлантирилган.
Лекин огоҳлантиришларга қарамасдан, кредит қарздорлиги қопланмаганлиги сабабли гаровдаги 3,9 миллиард сўмлик меҳмонхона ва кафе биноси бўлим давлат ижрочилари томонидан хатловга олиниб, қисқа муддат ичида электрон онлайн-аукцион савдо майдончасига чиқарилиб сотилган.
Мажбурий ижро бюроси маълум қилишича, 3 337 303 000 сўмлик кредит қарздорлиги банк фойдасига тўлиқ ундирилган.
Изоҳ (0)