Жиззахда спиртли ичимлик таъсирида бўлган фуқаролар ўртасида келиб чиққан жанжал аянчли якун топди. Бу ҳақда Бош прокуратура матбуот хизмати хабар берди.
3 октябрь куни соат 16:00 ларда 1987 йилда туғилган фуқаро Т.М. отаси 1964 йилда туғилган М.А. билан Жиззах шаҳри «Маданият» маҳалласида спиртли ичимлик ичган, уларнинг ўртасида ўзаро жанжал келиб чиққан. Т.М. ошхона пичоғи билан отасининг чап кўкрак соҳасига бир маротаба санчиб жароҳат етказган. Жароҳат оқибатида М.А. воқеа жойида вафот этган.
Мазкур ҳолат юзасидан шаҳар прокуратураси томонидан шу куни Т.М.га нисбатан ЖКнинг 97-моддаси 1-қисми билан жиноят иши қўзғатилган.
Изоҳ (0)