1—3 октябрь кунлари Россия федерал мажлиси федерация кенгаши раиси Валентина Матвиенконинг Ўзбекистонга расмий ташрифи бўлиб ўтади, деб хабар беради Сенат ахборот хизмати.
Олий Мажлис Сенати раиси Танзила Норбоева ва Қонунчилик палатаси спикери Нурдинжон Исмоиловнинг федерал мажлис федерация кенгаши раиси Валентина Матвиенко билан учрашувлари, шунингдек, Ўзбекистон Олий Мажлиси Сенати ва Россия федерал мажлиси федерация кенгаши ҳамкорлиги бўйича парламентлараро комиссиясининг мажлиси ўтказилиши режалаштирилган.
Ташриф доирасида Ўзбекистон—Россия ва Россия—Ўзбекистон ишбилармон доиралари кенгашларининг мажлиси, шунингдек, Ўзбекистон Олий Мажлиси ҳузуридаги Қонунчилик муаммолари ва парламент тадқиқотлари институти ҳамда Россия федерацияси федерал мажлиси федерация кенгаши девони таҳлилий ҳуқуқий бошқармаси ўртасида ҳамкорлик тўғрисида меморандум имзоланиши назарда тутилган.
Изоҳ (0)