«Тошшаҳартрансхизмат» компанияси ижтимоий тармоқларда корхона таркибидаги автосаройлар автобусларининг пахта мавсумига жалб қилинаётгани натижасида йўналишларда транспорт етишмай қолаётгани, тирбандликлар юзага келаётгани ҳақидаги хабарларга муносабат билдирди.
Автобус саройларига бириктирилган йўналишларнинг автобуслари тасдиқланган ҳужжат асосида шанба ва якшанбада иш кунларига нисбатан йўлга кам чиқарилади. Автобуслар келиб тушган буюртмага асосан 2019 йилнинг 28 сентябрида хизмат кўрсатиш учун ажратилди ва шу куннинг ўзида корхоналарга қайтиб, якшанба ҳамда душанбада жадвал бўйича йўналишларга чиқарилди.Компания йўловчилар, ижтимоий тармоқ вакилларидан жамоат транспорти, айниқса автобуслар билан боғлиқ муаммолар юзага келганда, турли асоссиз маълумотларга таянмасликни, жамиятга мурожаат қилиб вазиятга ойдинлик киритишни сўраган.«Тошшаҳартрансхизмат» компанияси матбуот хизмати
Аввалроқ «Тошшаҳатрансхизмат» компанияси 15 сентябрь куни Тошкент шаҳар жамоат транспорти қатновларида юз берган узилишлар юзасидан изоҳ берган эди.
Изоҳ (0)