Футбол бўйича Италия А Сериясининг 6-тури доирасида 29 сентябрь, якшанба куни навбатдаги 5 та учрашув бўлиб ўтди.
Паулу Фонсека қўл остидаги Римнинг «Рома» клуби сафарда «Лечче»ни синовдан ўтказди.
Ўйиндаги ягона гол 56-дақиқада урилди. Унга Рим клуби ҳужумчиси Эдин Жеко муаллифлик қилди.
Шу тариқа «Рома» меҳмонда кечган баҳсда «Лечче» устидан кичик ҳисобда устун келди (1:0) ва 3 очкога эга бўлди.
Мазкур ғалабадан сўнг римликлар очколари сонини 11 тага етказиб олди ва мусобақа жадвалида 5-ўринга кўтарилди. «Лечче» эса 6 очко билан 17-ўринни эгаллаб турибди.
Сўнгги вақтларда омади чопмаётган «Милан» жамоаси эса «Джузеппе Меацца» стадионида «Фиорентина»ни қабул қилди.
Тўқнашув давомида меҳмон жамоа вакиллари Эрик Пульгар (14—пенальти), Гаэтано Кастровилли (66) ҳамда Франк Рибери (78) томонидан урилган голларга «россонерилар» португалиялик Рафаэл Леау (80)нинг голи билан жавоб қайтарди.
Натижада «Милан» ўз майдонида «Фиорентина»га 1:3 ҳисобида имкониятни бой бериб қўйди ва яна очко йўқотди.
Қайд этиш жоиз, учрашувнинг 55-дақиқасида Милан клуби ҳимоячиси Матео Мусаккьо ҳакам томонидан қизил карточка билан жазоланди.
Маълумот учун, «Милан» 6 очко жамғарган ҳолда мусобақа жадвалида 16-поғонани банд қилиб турибди. 9-ўринда бораётган «Фиорентина» ҳисобида эса 8 очко мавжуд.
А Серия
6-тур баҳси
29 сентябрь, якшанба
«Лацио»—«Женоа» 4:0
Голлар: 1:0 — 7 Милинкович-Савич, 2:0 — 40 Раду, 3:0 — 59 Кайседо, 4:0 — 78 Иммобиле«Лечче»—«Рома» 0:1
Гол: 0:1 — 56 Жеко«Удинезе»—«Болонья» 1:0
Гол: 1:0 — 27 Окака Чука«Кальяри»—«Верона» 1:1
Голлар: 1:0 — 29 Кастро, 1:1 — Фараони«Милан»—«Фиорентина» 1:3
Голлар: 0:1 — 14, пенальтиПульгар, 0:2 — 66 Кастровилли, 0:3 — 78 Рибери, 1:3 — 80 Рафаэл ЛеауЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)