Futbol bo‘yicha Italiya A Seriyasining 6-turi doirasida 29-sentabr, yakshanba kuni navbatdagi 5 ta uchrashuv bo‘lib o‘tdi.
Paulu Fonseka qo‘l ostidagi Rimning “Roma” klubi safarda “Lechche”ni sinovdan o‘tkazdi.
O‘yindagi yagona gol 56-daqiqada urildi. Unga Rim klubi hujumchisi Edin Jeko mualliflik qildi.
Shu tariqa “Roma” mehmonda kechgan bahsda “Lechche” ustidan kichik hisobda ustun keldi (1:0) va 3 ochkoga ega bo‘ldi.
Mazkur g‘alabadan so‘ng rimliklar ochkolari sonini 11 taga yetkazib oldi va musobaqa jadvalida 5-o‘ringa ko‘tarildi. “Lechche” esa 6 ochko bilan 17-o‘rinni egallab turibdi.
So‘nggi vaqtlarda omadi chopmayotgan “Milan” jamoasi esa “Juzeppe Meatssa” stadionida “Fiorentina”ni qabul qildi.
To‘qnashuv davomida mehmon jamoa vakillari Erik Pulgar (14—penalti), Gaetano Kastrovilli (66) hamda Frank Riberi (78) tomonidan urilgan gollarga “rossonerilar” portugaliyalik Rafael Leau (80)ning goli bilan javob qaytardi.
Natijada “Milan” o‘z maydonida “Fiorentina”ga 1:3 hisobida imkoniyatni boy berib qo‘ydi va yana ochko yo‘qotdi.
Qayd etish joiz, uchrashuvning 55-daqiqasida Milan klubi himoyachisi Mateo Musakkyo hakam tomonidan qizil kartochka bilan jazolandi.
Ma’lumot uchun, “Milan” 6 ochko jamg‘argan holda musobaqa jadvalida 16-pog‘onani band qilib turibdi. 9-o‘rinda borayotgan “Fiorentina” hisobida esa 8 ochko mavjud.
A Seriya
6-tur bahsi
29-sentabr, yakshanba
“Latsio”—“Jenoa” 4:0
Gollar: 1:0 — 7 Milinkovich-Savich, 2:0 — 40 Radu, 3:0 — 59 Kaysedo, 4:0 — 78 Immobile“Lechche”—“Roma” 0:1
Gol: 0:1 — 56 Jeko“Udineze”—“Bolonya” 1:0
Gol: 1:0 — 27 Okaka Chuka“Kalyari”—“Verona” 1:1
Gollar: 1:0 — 29 Kastro, 1:1 — Faraoni“Milan”—“Fiorentina” 1:3
Gollar: 0:1 — 14, penaltiPulgar, 0:2 — 66 Kastrovilli, 0:3 — 78 Riberi, 1:3 — 80 Rafael LeauYanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @daryo_sport’ga obuna bo‘ling!
Izoh (0)