6—22 сентябрь кунлари Россиянинг Екатеринбург шаҳрида бўлиб ўтган бокс бўйича Жаҳон чемпионатида совриндорга айланган бир нечта боксчилар Ўзбекистон Республикаси Миллий гвардияси қўмондонлиги томонидан рағбатлантирилди.
Ўзбекистон Республикаси Миллий гвардияси ҳарбий хизматчилари Баҳодир Жалолов ва Бобо-Усмон Ботуров, бир қатор халқаро мусобақалар ғолиби Муроджон Аҳмадалиевга навбатдаги ҳарбий унвон ҳамда эсдалик совғалари топширилди.
Қозоғистон пойтахти Нур-Султон шаҳрида бўлиб ўтган юнон-рум кураши бўйича Жаҳон саралаш мусобақасида Токио—2020 Олимпиадаси йўлланмасига эга бўлган Элмурат Тасмурадов ҳам тақдирланди.
Шунингдек, боксчиларни тайёрлашда жонбозлик кўрсатиб келаётган мураббий Миллий гвардия Ихтисослаштирилган ўқув маркази катта ўқитувчиси Элшод Расулов ҳам Миллий гвардия қўмондонининг эсдалик совғалари билан тақдирланди.
Эслатиб ўтамиз, Ўзбекистонлик боксчилар Жаҳон чемпионатида 3 та олтин, 1 та кумуш ва 1 та бронза медал билан умумжамоа ҳисобида биринчи ўринни қўлга киритганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)