Футбол бўйича Италия А Сериясининг 6-тури доирасида 28 сентябрь, шанба куни 2 та ўйин ниҳоясига етди.
Маурицио Сарри қўл остидаги Туриннинг «Ювентус» клуби ўз майдонида СПАЛни қабул қилди.
Учрашувнинг 45-дақиқасида «кекса синёра» ярим ҳимоячиси Миралем Пьянич ҳисобни очган бўлса, 78-дақиқага келиб туринликлар етакчиси Криштиану Роналду ҳсиобни 2:0 кўринишига олиб келди.
Шу тариқа «Ювентус» ўз уйида СПАЛ устидан ишончли ғалабага эришди.
Мазкур ғалабадан сўнг Турин клуби очколари сонини 16 тага етказиб олди ва жамоа мусобақа жадвалида 2-ўринни эгаллаб турибди. 19-ўринни банд қилиб турган СПАЛ ҳисобида эса 3 очко мавжуд.
Шу куни Антонио Конте бошчилигидаги Миланнинг «Интер» жамоаси сафарда «Сампдория»ни қабул қилди.
Беллашув давомида Милан клуби вакиллари Стефано Сенси (20), Алексис Санчес (22), Роберто Гальярдини (61) гол урган бўлса, мезбон жамоадан Якуб Янкто (55) Самир Ҳанданович қўриқлаётган дарвозани ишғол қилди.
Натижада «Интер» навбатдаги ғалабасини тантана қилди.
Қайд этиш жоиз, Конте жамоаси 18 очко тўплаган ҳолда мусобақа жадвалида еткачилик қилмоқда. Сўнгги ўринда бораётган «Сампдория» эса 3 очко жамғарган.
А Серия
6-тур баҳслари
28 сентябрь, шанба
«Ювентус»—СПАЛ 2:0
Голлар: 1:0 — 45 Пьянич, 2:0 — 78 Роналду«Сампдория»—«Интер» 1:3
Голлар: 0:1 — 20 Сенси, 0:2 — 22 Санчес, 1:2 — 55 Янкто, 1:3 — 61 ГальярдиниЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)