Муфтийга кўра, унинг таклифи жамоатчилик ўртасида баҳс-мунозараларга сабаб бўлган, чунки «кўпчилик фақат шов-шувли сарлавҳаларга эътибор қаратади, бироқ вазиятни умумий таҳлил қилишни истамайди». Аслида бу фикр нафақат диний, балки ижтимоий жиҳатдан ҳам аҳамиятга эга.
«Баъзан россияликлар кўпхотинлиликдан кўра бир жинслилар никоҳи қонунийлаштирилишини қабул қилиши осонроқдек туюлади. Ваҳоланки, бу йўл жамиятни ҳалокатга етаклайди», — деди Ильдар Аляутдинов.
Москва муфтийси Россияда кўпхотинлиликни қонунийлаштириш фикрини 25 сентябрь куни билдирган ва буни мамлакатда эркаклар етишмаслиги билан боғлиқ кўплаб ижтимоий муаммоларга ечим сифатида изоҳлаганди.
Россия Давлат думасида мазкур ташаббус танқид остига олинди. Оила, аёллар ва болалар масалалари қўмитаси раиси Тамара Плетневанинг айтишича, Россияда кўпхотинлиликни нафақат аксарият фуқаролар, ҳатто кўпчилик россиялик мусулмонлар ҳам қўллаб-қувватламайди.
Изоҳ (0)