АҚШ президенти администрациясида Дональд Трампнинг бошқа мамлакат раҳбарлари билан телефон суҳбатларини ёзиб олишни чеклаб қўйиш имконияти мавжудлиги маълум бўлди, деб хабар беради CNN.
Хусусан, Оқ уй Трампнинг Россия президенти Владимир Путин ҳамда Саудия Арабистони валиаҳд шаҳзодаси Муҳаммад ибн Салмон билан суҳбатини махфийлаштиришга уринган. Администрация собиқ ходимининг сўзларига кўра, Россия ва АҚШ президентларининг телефон суҳбати стенограммаси қаттиқ чекланган бўлган.
Бундан ташқари, администрация ходимлари Трампнинг шаҳзода Муҳаммад билан суҳбати стенограммасини кўрмаган, одатда уларда бундай суҳбатларни кузатиш ҳуқуқи бўлади.
Оқ уй ҳозирча ушбу маълумотга изоҳ бермаган.
Аввалроқ, Оқ уй Трампнинг Украина президенти Владимир Зеленский билан суҳбатини махфийлаштиришга урингани маълум бўлганди. Бу каби қарор АҚШ Миллий хавфсизлик кенгаши юристлари кўрсатмасига асосан қабул қилинган.
Изоҳ (0)